Inspecteur Panjer Pinkster komt ter aan!!

Veur lutje kinder, mor ook veur groten het dij zin wat beangstegends, mor aan d’aander kaante geft het elkenain bie ons op t dörp ook n stok vertraauwen.
Panjer Pinkster is noamelek nait zo mor aine. Sinds joar en dag is hai de man, dij hailemoal allaind de regels van de wet handhoaft. Lutjen en groten straft e ast neudeg is en veur mìnsen in nood is hai voak de reddende engel. Vrouger mit n soabel, loater mit n karabijn, lopt e tegenswoordeg mit n pistool en n spoitbuske mit ogenvertroebeloar aan zien raime. En t biezundere van t haile geval is en dat wait gainaine, dat Panjer Pinkster nog nooit, mor den ook nog nooit gebroek moakt het van welk dainstwoapen den ook. t Handhoaven dou je mit …. ( en den wist e mit zien wiesvinger op d’ziedkaaante van zien heufd ) en den laagt e derbie. De verhoalen over de belevenizzen, dij Panjer Pinkster in zien leven opdoan het, binnen zo talriek, dat ze hoast nait in ain bouk soamen te kriegen binnen. En omdat t toch wel de muite loont om onze inspecteur n beetje in t zunlicht te zetten, doun we t op dizze menaaier. Ie kinnen ook ja mor ain verhoal tougelieks lezen.
Wel ik bin? Ik bin Cees Maggelt, verslaggever.

Verhoal 1 – Panjer Pinkster

Verhoal 2 – Zakkenrollers

Verhoal 3 – Stille Knip

Verhoal 4 – Hoesbrandjes

Verhoal 5 – De maffia

t Verhoal dat ter al langere tied n gluurder bie ons op t dörp spot is, was veur mie genog reden om bie inspecteur Panjer Pinkster op veziede te goan. t Is n opmaarkelk bezuik worden mit n verrazzende òfloop.

Verhoal 6 – De gluurder

t Lopt tegen oljoar en dat brengt in ons dörp oardeg wat ruiern tewege. Dit moal gaait t over vuurwaark en hou kin t ook aans, inspecteur Panjer Pinkster speult nou ook weer n ongewilde hoofdrol.

Verhoal 7 – n Wedstried

Noa dat dodelk ongelok,was de moat veur Panjer Pinkster hailemoal vol. In t belang van d’verkeersvaileghaid het hai zien nekke oetstoken, mor dat doarnoa zowat elkenain over hom hìnvallen is, haar e nait verwacht.

Verhoal 8 – n Kruustocht

t Is stoer as je as plietsie-agent persoonlek onderdail worden van  n konflikt. Hou dit op te lözzen, is nait zo makkelk, mor soms beuren der onverwachte dingen, dij joe doarbie helpen kinnen.

Verhoal 9 – In t hok

As in Sunterkloastied Panjer Pinkster n Swaarte Piet mit höchtevrees van t dak hoald het, liekt zien dag goud. Mor veur t ìnde van de dag het de woarhaid hom en Pietjes verhoal inhoald en zit nait allaain d’inspecteur, mor ook de femilie Bakker mit n groot probleem.

verhoal 10: n Biezundere Piet

Mit t veurjoar in de locht, binnen der genog mìnsen dij aan t organiseren sloagen. Zo ook campingholder boer Muskee. Dij het n groot ballonnenfeest in de plannen veur april opnomen. Of der ook n rol weglegd is veur inspecteur Panjer Pinkster staait in

verhoal 11: Ballonnenclub

Dat de eerste april 2018 n gedenkwoardege dag worden is, staait in t verhoal

verhoal 12: Ain april