Ampel & Piekie
t Is elke zummer wel roak. De buren op d’Komnijsterwieke hopen t nait, mor waiten hoast wel zeker, dat ze kommen. Ast mooie weer in aantocht is, kommen Ampel en Piekie ook noar Pekel.
’Is t stel oet Grunnen nog nait in aantocht,’ zeggen ze wel es tegen Wiepkediene. Dij trekt den wat mit d’scholders en zegt den voak berustend:
’t Is ja nait aans, ik kin mien swoager en schoonzuster toch nait waigern om hier n poar doage te kommen.’
Nee, dat kin netuurlek nait en joa, Ampel en Piekie hebben t best goud veur mekoar.