Thuus

Bestaait ter n winkel, woar je elk uur van de dag noar binnen lopen kinnen en in alle rust en vrijhaid rondsnuustern maggen? Joazeker.
En as je wat deegs vonden hebben, kinnen je t in d’buutse doun of in tazze stoppen en huiven je nait òf te reken bie de kassa? Joa, zo’n winkel bestaait. Op t internet.
Sunt n poar moand beheer ik op t internet mien aigen Grunneger verhoalenwinkel. Hieronder hebben we perbaaierd n schiere eteloazie mit mooie ploatjes veur joe soamen te stellen. Binnen je nijsgiereg worden, of der achter dij mooie boetenkanten ook wat deegs - lees: mooie verhoalen - verbörgen zit? In ain, twij klikken worden je gewoar of der wat veur joe bie zit.
Ik wìns joe in elk geval veul lees- en luusterplezaaier.
Je kinnen ook aaltied even kommen kieken op mien Facebookpagina.